En 1953 comeza a súa actividade artística na pintura. Vencellado ao expresionismo e ao surrealismo, mesturou a vangarda con formas tradicionais galegas. A súa procura de novas formas de expresión achégao á banda deseñada. Así, en 1971 realiza a exposición "O home que falaba vegliota", composta por enormes páxinas de banda deseñada. En 1975 fai, con Xaquín Marín, "2Viaxes", primeiro álbum galego da novena arte. Realizou aínda outras historias coma "O home que falaba arameu", que viron a luz en recompilacións.

---

---